Finss.az xəbər verir ki, Neft qiymətləri Cümə günü səhər Yaxın Şərqdə gərginliyin azaldılması səbəbindən əvvəlki sessiyada kəskin enişdən sonra mülayim şəkildə enməyə davam etdi.
Londonun ICE Futures Exchange birjasında dekabr ayı üzrə Brent fyuçersləri Bakı vaxtı ilə saat 09:10-a olan məlumata görə, bir barel üçün 0,29 dollar (0,44%) ucuzlaşaraq 64,93 dollar olub. Cümə axşamı kontrakt 1,03 dollar (1,6%) ucuzlaşaraq 65,22 dollar/barelə düşüb.
Nyu-York əmtəə birjasında (NYMEX) noyabr ayı üçün WTI neftinin fyuçersləri bu vaxta kimi 0,23 dollar (0,37%) ucuzlaşaraq bir barelə görə 61,28 dollar təşkil edib. Əvvəlki sessiyada bu müqavilələr 1,04 dollar (1,7%) ucuzlaşaraq 61,51 dollar/barel olub.
